عمنا...نجيب محفوظ

    كتب: جمال عبد المجيد   3 فناجين قهوة..مع سماع مقطوعة موسيقية او أغنية لأم كلثوم..ورق أبيض وقلم..   دي كانت أدوات وطقوس كاتبنا الكبير نجيب محفوظ في الكتابة...بعد ما طلع معاش..3 ساعات من 10 الصبح ل 1 الضهر..محدش بيخش عليه تماما..بيسمع مقطوعة موسيقية أو أغنية لأم كلثوم ويبدأ في الكتابة..فنجان قهوة مع بداية الجلسة وفنجان بعد ساعة وفنجان تاني قبل ما يقوم ويخلص كتابة..     الكتابة يوميا عدا الخميس والجمعة والاجازات..كل ده كان في أوضة مكتبه في بيته..وكان ساعات بيلجأ للقهاوي عشان يعدل أو يكتب السيناريو فقط مش الروايات..   لو حصل وجاتله أفكار خلال اليوم أو في أي حتة..بيضطر يكتب الافكار على ورق وبعد كده لما يرجع يبتدي يبيضها عشان يستغلها بعد كده..