فيسبوك

      بقلم/ عصام الهوارى     عايز اتكلم عن فيسبوك ................ وارغى شويه وجايز اعك ................. وارجع اضحك تانى وافك ............... بس ما حدش فيا يشك ............... أنى اقصده أو عنه بالوك ............. ولا يزعل وعليا يسك ................ ويجرى قوام يعملى بلووك ................. إيه حكايته النيله الفيسبوك .......... وزمايله ماسنجر على فايبر . وتويتر وكمان التيك توك .................... وحاجات كده اساميها عجيبه . وبرامج اشكالها غريبه . ليل ونهار فى دماغنا تدك .................... واحنا يا عينى علينا غلابه ............ عايشين في الدنيا القلابه ............ تايهين بين مطره وسحابه .............. بنصدق كدب على طيابا ................. وقلوبنا بتتعبى صبابا ................. ونعيشه بين جنه وغابه .............. ونسرح وياه من غير شك .................... ياخدنا نروحله . نحكى ونتكلم ونبوحله ................... ونصرح وكمان نسمحله ............... وتيجى الخبطه فى قلبنا تك ................. من فيسبوك ................ ويعرف عننا كل حياتنا . حتى الاكل اللى احنا بنأكله .................. واحنا يدوبك شايفين شكله .............. وشاغلنا فى وحلو . ومشاكله .................. وصداعه اللى ما شوفناش شكله .................. واللى عمل على شاشته تجارته ........ باع واشترى ولا حدش عارضه ........ إن كان اصلى أو هاى لوك ............... واللى يبعلك حاجه رديئه ............. على ادها أو يمكن بيئه ................ ومن أول ربطه بتفك ................ وتجينا الصدمه على تشوك .................... أسمعوا منى خلاصه قولى ............ واقتراحاتى كمان وفضولى .......... لازم نهدى شويه ونبعد ................ ونسيبه قبل ما نتعقد .................. وتضيع منا حياتنا ونفقد ............ روحنا ويفرح فينا عزولى .............. أنا بتكلم عنى وعنكم ........... وكل اصحابى وحتى اصحابكم ............ وما قولتش إنى أحسن منكم . ولا بوعظكم ............ ولا عندى للغفران صك ..................... وااه منه الفيسبوك .....................